7 лютага, Масква /Эдуард Півавар - БЕЛТА/. Дзяржсакратар Саюзнай дзяржавы Рыгор Рапота 7-8 лютага наведае з візітам Мінск, паведамілі карэспандэнту БЕЛТА ў Пастаянным камітэце Саюзнай дзяржавы.
7 лютага Рыгор Рапота правядзе нараду, на якой будуць падведзены вынікі рэалізацыі ў 2011 годзе праграм і мерапрыемстваў Саюзнай дзяржавы ў сферах бяспекі, абароны, праваахоўнай дзейнасці, абароннай прамысловасці і ваенна-тэхнічнага супрацоўніцтва. У гэты ж дзень дзяржсакратар наведае ААТ "Інтэграл".
Плануецца, што 8 лютага Рыгора Рапоту прымуць прэм'ер-міністр Беларусі Міхаіл Мясніковіч і кіраўнік Адміністрацыі Прэзідэнта Уладзімір Макей. Акрамя таго, дзяржсакратар Саюзнай дзяржавы сустрэнецца з міністрам спорту і турызму Алегам Качаном і старшынёй Дзяржаўнага мытнага камітэта Аляксандрам Шпілеўскім.-0-
|
