30 ліпеня, Мінск /Кар. БЕЛТА/. На чэмпіянаце Еўропы па лёгкай атлетыцы ў Барселоне завяршыліся кваліфікацыйныя спаборніцтвы ў штурхальнікаў ядра. Абодва беларускія ўдзельнікі паспяхова справіліся з задачай выхаду ў фінал, паведамляе карэспандэнт БЕЛТА.
Бронзавы прызёр Алімпіяды-2008 Андрэй Міхневіч у першай жа спробе паслаў снарад на 20 м 35 см, перавысіўшы кваліфікацыйны нарматыў на 35 см. Яшчэ адзін беларускі спартсмен Павел Лыжын толькі ў трэцяй, заключнай, спробе забяспечыў сабе месца сярод 12 фіналістаў, паказаўшы лепшы вынік сярод усіх удзельнікаў спаборніцтваў - 20 м 42 см.
Фінал спаборніцтваў па штурханню ядра пройдзе ўвечары 31 ліпеня.-0-
|
