|
 Задачы па развіццю беларускай эканомікі аднолькава датычацца дзяржаўнага і прыватнага сектара
Пасланне Прэзідэнта ставіць канкрэтныя задачы перад бізнесам. Такі пункт гледжання ў гутарцы з карэспандэнтам БЕЛТА выказаў генеральны дырэктар СТАА "Марка", член Савета Рэспублікі Нацыянальнага сходу Рэспублікі Беларусь Мікалай Мартынаў.
Вызначыўшы тактычныя напрамкі развіцця краіны на бліжэйшую перспектыву, Прэзідэнт вылучыў ключавыя арыенціры для надання эканоміцы новага якаснага ўзроўню. У першую чаргу гэта датычыцца мадэрнізацыі эканомікі і дабрабыту насельніцтва, якія цесна ўвязаны адзін з адным, лічыць Мікалай Мартынаў. "Нельга проста даць зарплату $500. Яе неабходна зарабіць, а для гэтага трэба стварыць работніку такія ўмовы, каб расла прадукцыйнасць яго працы", - сказаў ён. Менавіта таму так важны мадэрнізацыя вытворчасці, тэхнічнае пераўзбраенне, асваенне новых відаў прадукцыі. "Тут вядучая роля належыць кіраўніку, які павінен быць актыўным, інавацыйна думаючым", - дадаў ён.
Пры гэтым бізнесмен падкрэсліў, што тэзісы Паслання ў аднолькавай ступені адносяцца як да дзяржаўных, так і да прыватных прадпрыемстваў. "Прыватніка ніхто падганяць не будзе, але ён павінен разумець, што Беларусь - еўрапейская дзяржава, дзе жывуць высокаадукаваныя людзі, і яна не можа быць адсталай і беднай краінай", - перакананы Мікалай Мартынаў.
На яго думку, у Пасланні справядліва адзначана, што задача дзяржавы - стварыць умовы для тых, хто можа працаваць, і дапамагчы слабым. Такая сістэма ў краіне будуецца, лічыць ён.
|
